Toyota

نوێترین سیستەمی سەلامەتی چالاک زیادکراوە بۆ پشتگیریکردنی سەلامەتی لەکاتی لێخوڕین و وەستان و دەرچوون لە ئۆتۆمبێلەکە. تایبەتمەندییە نوێیەکان بریتین لە ئاگادارکردنەوەی هاتوچۆی دواوە، ئاگادارکردنەوەی دەرچوون لە هێڵی لێخوڕین، ڕووناککەرەوەی بەرزی ئۆتۆماتیکی، ڕاداری کۆنترۆڵی خێرایی داینامیکی و سیستەمی پێش پێکدادان.

ڤیدیۆی پشت ئۆتۆمبێلەکە لەسەر شاشەیەکی ناو ئاوێنەی دواوە پیشان دەدرێت.

ئەم تایبەتمەندییە بە شێوەیەکی ئۆتۆماتیکی ڕێگری دەکات لە ڕۆشتنی ئۆتۆمبێلەکەت بۆ دواوە لە گردێکەوە بە پاراستنی پەستانی برێک لەکاتی داگرتنی.

ئەم سیستەمە ڕێگەت پێدەدات کۆنتڕۆڵی گاز و سوکان بکەیت و خێراییەکی کەم بپارێزیت بۆ دڵنیابوون لە لێخوڕینی سەلامەت و بەهێز لەسەر خۆڵ، بەرد، بەفر، قوڕ یان ڕووکارەکانی تر کە پێویستیان بە کۆنترۆڵی وردی خێرایی هەیە.

سیستەمی خاڵی کوێر دەکەوێتە دەرەوەی ئاوێنەی لایەنی، ئەمەش شۆفێر ئاگادار دەکاتەوە کاتێک ئۆتۆمبێلێک نزیک دەبێتەوە کە لە ئاوێنەکان دیار نییە. 

ئەم تایبەتمەندییە کۆنترۆڵکردنی برێک دابین دەکات، هەروەها بۆ ئەو بارودۆخانە بەردەستە کە مەترسی پێکدادان لە پێشەوە یان پشتەوەی ئۆتۆمبێلەکەدا هەبێت لەکاتی لێخوڕینی بە خێرایی کەم، وەک لەکاتی پارکینگی ئۆتۆمبێلدا. 

لەکاتی جوڵەکردن بۆ دواوە، سیستەمی ئاگادارکردنەوەی هاتوچۆی دواوە (RCTA) ئەو ئۆتۆمبێلانە دەبینێتەوە کە لە پشت ئۆتۆمبێلەکەوە نزیک دەبنەوە لەو شوێنانەی کە باش نابینرێن. جگە لەوەش بۆ یارمەتیدانی دوورکەوتنەوە لە پێکدادان، سیستەمی کامێرای دواوە (RCD) مرۆڤ لە پشتەوەی ئۆتۆمبێلەکە دەستنیشان دەکات. 

ﺳﯿﺴتەﻣﯽ ئێرباگی ئێس ئار ئێس ﺑۆ ﺷۆفێر و سەرﻧﺸﯿﻦ و ئێرباگی ئەژنو داﺑﯿﻨﮑﺮاوە، لەگەڵ ئێرباگی پەردە بۆ هەر سێ ڕیزی كوشنەكان و هەموويان پشتگیرى سەلامەتى سەرنشينانى ئۆتۆمبێل دەكەن لە ئەگەرى پێکدادان. 

*بەردەست بوونى ئێرباگەكان بە پێی تایبەتمەندییەكانە.