وردەکاری لاند كروزەر FJ

ئەدا

سیستەمی ئەکسڵ بە خواستی شۆفێر

ڕێگە بە شۆفێر دەدات سیستەمی 2WD بۆ لێخوڕینی ئیکۆنۆمی ECO هەڵبژێرێت بۆ کەمتر بەکارهێنانی سوتەمەنی لەسەر ڕێگا خێراکان، هەروەها توانای هەیە بۆ گۆڕین و هەڵبژاردنی لێخوڕینی 4WD (H4 & L4) بۆ ڕێگا خلیسکێنەرەکان و ناوچە سەختەکان کە پێویستییان بە جێگیربوونی زیاتری تایەکان هەیە.

سیستەمی قفڵی دفلۆک

ئەم سیستەمە بە شێوەی میکانیکی قفڵ دەکرێت، تاکو هەردوو چەرخی دواوە بە هەمان خێرایی بسوڕێنەوە. کاتێک یەکێک لە چەرخەکان لەسەر ڕێگا دەخلیسکێت یان گیربوون لەدەست دەدات، ئەم سیستەمە یارمەتی ئۆتۆمبێل دەدات گیرانی باشتری هەبێت لە ڕێگادا بۆ ئەوەی بە ئاسانی‌ بەردەوام بێت لە جووڵە.

دەستپێکردن بە گێڕی دووەم

ئۆتۆمبێل بە گێڕی دووەم دەست بە جووڵە دەکات لەبری گێڕی یەکەم، بۆ کەمکردنەوەی خلیسکان و دابینکردنی خێراکردنێکی نەرمتر و کۆنترۆڵکراوتر لەسەر ڕێگای خلیسک یان ئەو ڕێگایانەی کە گیربوونیان کەمە، وەک بەفر، قوڕ و ڕێگای تەڕ.

دیاریکردنی خێرایی لە کاتی دابەزین لە لێژاییەکاندا

سیستەمی کۆنتڕۆڵکردن و دیاریکردنی خێرایی لە کاتی دابەزین لە لێژاییەکاندا (DAC) یارمەتیدەرە بۆ ڕێگریکردن لە خێراییی لە کاتی دابەزین لە لێژاییە سەختەکاندا، ئەمەش بە بەکارهێنانی (ستۆپەکان) بە شێوەیەکی ئۆتۆماتیکی بۆ پاراستنی خێراییەکی کەم و جێگیر.

پێوەری لێژی ئۆتۆمبێل

پێوەری لێژی گۆشەکانی مەیلی ئۆتۆمبێلەکەت لەسەر شاشەی داشبۆرد پیشان دەدات، تا لە ڕێگا ناخۆش و شاخاوییەکاندا بە ئاگاداری و متمانەی تەواوەوە لێخوڕین بکەیت.

بگۆڕی 6 نمرەیی بە سیستەمی سوپەر ECT

سیستەمێکی گۆڕینی ئۆتۆماتیکی زۆر زیرەکە، گۆڕینێکی ڕەوان و بێئاستەنگی لە پلەکان لەگەڵ ڕاگرتنی هاوسەنگی لە نێوان هێزی لێخوڕین و سووتەمەنیدا دەستبەر دەکات.

ديزاين

دەرەوە

چوارچێوەری شاسی لاند کروزەر FJ لەسەر بنەمای بەهێزترین ئۆتۆمبێلەکانی جۆری "Body-on-frame" دروستکراوە، تا لە هەموو ڕێگایەکدا متمانەی تەواوت پێ ببەخشێت. ئەم دیزاینە ڕەسەنایەتی مێژووی لاند کروزەر و جەستەی وەرزشی نوێ کۆدەکاتەوە، ئەمەش بۆ نیشاندانی توانا بەرزەکانی FJ.

ديزاين

ناوەوە

پەنجەرە گەورەکان بینینێکی فراوانت پێدەبەخشن، هەروەها ڕێکخستنی ڕوونی دەشبولەکە و دوگمەکانی کۆنتڕۆڵ، لێخوڕین و بەکارهێنانێکی ئاسان و ئاسودەت بۆ فەراهەم دەکەن. کوشنەکانی دواوە تەنها بۆ دانیشتن نین، دەکرێت ڕێکبخرێن بۆ ئەوەی شوێنی کەلوپەلی زیاتریان تێدا ببێتەوە لە کاتی گەشتدا.

سەلامەتی

سیستەمی سەلامەتی تۆیۆتا (TSS)

نوێترین سیستەمی سەلامەتی چالاک زیاد کراوە بۆ سەلامەتی لەکاتی لێخوڕین و پارکینگ و دەرچوون لە ئۆتۆمبێلدا. تایبەتمەندییەکان بریتین لە:

• چاودێریکردنی خاڵی کوێر (BSM)
• سیستەمی پێش پێکدادان (PCS)
• کۆنترۆڵی خێرای (کروز کۆنترۆل)
• لایتی بەرزی ئۆتۆماتیکی (AHS)
• یارمەتیدانی مانەوە لەسەر هێڵی شەقام

سیستەمی کامێرای 360

ئەم سیستەمە بریتییە لە چەندین کامێرا بۆ ئەوەی بتوانیت سەیری بارودۆخی دەوروبەری ئۆتۆمبێلەکەت بکەیت و خاڵە کوێرەکانی دەوروبەرت ببینیت.

هەستەوەری پشت وپێشەوە

هەستەوەرەکانی ئۆتۆبێلەکە ئاگادارت دەکەنەوە کاتێک ئۆتۆمبێلێک یان شتێکی تر لە پێشەوە یان دواوە لێت نزیک دەبێتەوە، ئەمەش یارمەتیت دەدات بە ئاسانی ئۆتۆمبێلەکەت بوەستێنیت و دوور بکەویتەوە لە پێکدادان.

ئێرباگ بە سیستەمی ئێس ئار ئێس

ﺳﯿﺴتەﻣﯽ ئێرباگی ئێس ئار ئێس بۆ ﺷۆفێر و سەرﻧﺸﯿﻦ و ئێرباگی ئەژنو داﺑﯿﻨﮑﺮاوە لەگەڵ ئێرباگی پەردە، و هەموويان پشتگیرى سەلامەتى سەرنشينانى ئۆتۆمبێل دەكەن لە ئەگەرى پێکدادان.