لە چوارچێوەی دەستپێشخەرییەکی ستراتیژی بۆ پاڵپشتیکردنی پەروەردەی پراکتیکی و هاوتەریبکردنی دەرئەنجامە ئەکادیمیەکان لەگەڵ داواکارییەکانی بازاڕی کار، کۆمپانیای تۆیۆتا عێراق بۆ بازرگانی و خزمەتگوزاری ئوتۆمبێل - سنوردار یادداشتنامەیەکی لێکتێگەیشتنیان لەگەڵ زانکۆی تەکنەلۆجی لە بەغدادا واژووکرد.
یاداشتنامەکە کردنەوەی تاقیگەی تۆیۆتای بۆ ئۆتۆمبێلە هایبردەکان لە کۆلێژی ئەندازیاری میکانیکی لە زانکۆی تەکنەلۆجی لەخۆگرت، ئەمەش بناغەیەک بۆ هاوبەشییەکی زانستی دادەمەزرێنێت کە خوێندنی زانکۆ لەگەڵ ئەزموونی پیشەسازی لە کەرتی ئۆتۆمبێلدا یەکدەخات، و بەشدار دەبێت لە پەرەپێدانی لێهاتووییە زانستییەکانی خوێندکاران و هاوشانبوون لەگەڵ تەکنەلۆجیا نوێیەکان پەرەپێدەدات.
ئامانجی ئەم یادداشتنامەیە ئاسانکردنی دەرفەتی پەروەردە و ڕاهێنانە بۆ خوێندکاران و دەرچووانی زانکۆی تەکنەلۆجی، و بەهێزکردنی سیستەمی پەروەردەی پراکتیکییە، لە ڕێگەی بنیاتنانی ڕێبازی هاوبەشی بەردەوام کە پشتگیری لە ئاڵوگۆڕی شارەزایی دەکات و بەشداری دەکات لە ئامادەکردنی کارمەندانی ئەندازیاری بە زانیاری تیۆری و لێهاتوویی کرداری پێویست بۆ تێکەڵبوونێکی کاریگەر لە ژینگەی کاری نوێدا.
لە مەراسیمەکە کە لە زانکۆی تەکنەلۆجیا بەڕێوەچوو، سەرۆک و بەڕێوەبەری جێبەجێکاری کۆمپانیای تۆیۆتا عێراق لەگەڵ باڵیۆزی یابان و چەند بەڕێوەبەرێکی جێبەجێکاری کۆمپانیای سۆمیتۆمۆ لە یابان ئامادەبوون. ئەمەش بە ڕوونی جەختی لەسەر قووڵی و گرنگی هاوبەشی دامەزراوەیی لە هەردوو ئاستی ئەکادیمی و پیشەسازیدا کردەوە.
لە چوارچێوەی ئەم هاوکارییە، کۆمپانیای تۆیۆتا عێراق ئۆتۆمبێلی هایبردی ڕاهێنان بۆ کۆلێژی ئەندازیاری میکانیکی – بەشی ئەندازیاری ئۆتۆمبێل دابین کرد، لەگەڵ هەموو ئامێرەکانی پشکنین و چاککردنەوە و نۆژەنکردنەوە، بەپێی ئەو ستانداردە تەکنیکیانەی کە لە بازاڕی کاردا پەسەندکراون. هەروەها کۆمپانیاکە بەرنامەی ڕاهێنانی تایبەتی بۆ ئەندامانی فاکەڵتی لە بەشی ئەندازیاری ئۆتۆمبێل جێبەجێ دەکات، کە تیشک دەخاتە سەر نوێترین پێشکەوتنەکانی ئەندازیاری ئۆتۆمبێل و تەکنەلۆژیا. ئەمەش بەشدار دەبێت لە نوێکردنەوەی ناوەڕۆکی ئەکادیمی و بەهێزکردنی توانای وانەوتنەوەی پراکتیکی.
هەروەها یاداشتنامەکە دەرفەتی ڕاهێنانی مەیدانی بۆ خوێندکارانی قۆناغی سێیەم و دەرچووە نوێیە نموونەیەکانی بەشی ئەندازیاری ئۆتۆمبێل لەخۆدەگرێت. جگە لەوەش، ئەندامانی فاکەڵتی دەتوانن سوودوەرگرن لە سەکۆی جیهانی تۆیۆتا بۆ ڕاهێنانی ئەلیکترۆنی لە ڕێگەی ئینتەرنێتەوە، ئەمەش لە هەنگاوێکدا کە ڕەنگدانەوەی پابەندبوونی کۆمپانیاکەیە بە وەبەرهێنان لە بەهرەی گەنجان و بەهێزکردنی ژینگەیەکی پەروەردەییە لەسەر بنەمای مەنهەج و پێوەرە نێودەوڵەتییەکان کە بەشدار دەبێت لە دابینکردنی دەستی کاری شارەزا، کە توانای ئەوەیان هەبێت لەگەڵ گۆڕانکارییە خێراکانی کەرتی ئۆتۆمبێل بگونجێن و بە شێوەیەکی کارا لەناو سیستەمەکانی داهاتوودا کاربکەن.
- کۆتایی -
