تۆیۆتا شانازی دەکات بە خستنەبازاڕی ڕاڤ4ی تەواو نوێ لە ڕۆژهەڵاتی ناوەڕاست، کە گۆڕانکارییەکی تەواوی کردووە لە یەکێک لە بەناوبانگترین ئۆتۆمبێلەکانی SUV لە جیهاندا. بە دیزاینێکی جیاواز و بەرزکردنەوەی توانای لێخوڕین و کۆمەڵێک تەکنەلۆژیای پێشکەوتوو، ڕاڤ4ی نوێ پابەندبوونی تۆیۆتا بەرجەستە دەکات بۆ دابینکردنی ئۆتۆمبێلەکان کە بەکارهێنانی ڕۆژانە لەگەڵ هەستی سەرکێشی کۆدەکەنەوە.
پەرەپێدانی ئۆتۆمبێلی ڕاڤ4ی تەواو نوێ لەسەر میراتی دەوڵەمەندی تۆیۆتا بنیات دەنرێت، ئۆتۆمبێلێک پێشکەش دەکات کە کاراتر و زیرەکتر و بەتواناترە لە جاران. بە فەلسەفەی "ژیان سەرکێشییە" پەرەی پێدراوە، متمانە بە شۆفێران دەبەخشێت بۆ ئەوەی لە نێوان ڕۆتینی ڕۆژانە و ساتە ناوازەکاندا بگەڕێن، بە پشتگیری ئاسوودەیی و سەلامەتی و ئارامی دەروونی.
گواستنەوە بۆ سیستەمی کارەبایی بەشێکی بەردەوامە لە چیرۆکی ڕاڤ4. وەک یەکێک لە یەکەم و سەرکەوتووترین ئۆتۆمبێلەکانی تۆیۆتا کە تەکنەلۆژیای هایبریدی وەرگرتووە، ڕاڤ4 ڕۆڵێکی سەرەکی گێڕاوە لە پێشخستنی جووڵەی کارەبایی بەگوێرەی ڕێبازی کۆمپانیاکە. مۆدێلە نوێیەکە درێژە بەم گەشتە دەدات بە وەرگرتنی سیستەمێکی کارەبایی نەوەی پێنجەمی هایبرید کە خێرایی زیاتر و کارایی سووتەمەنی باشتر و ئەزموونێکی نەرمتر لە لێخوڕین بەبێ پێویستی بە بارگاویکردنەوەی دەرەکی دەدات.
ئەم هێزی پاڵنانە پەرەپێدراوە تاکو ئەزموونی ئۆتۆمبێلێکی بەنزین بە تایبەتمەندی کارەبایی، بە بازاڕەکانی ڕۆژهەڵاتی ناوەڕاست ببەبەخشێت. شۆفێران چێژ لە کارایی بەهێز و وەڵامدانەوەی خێرا و متمانەی زیاتر وەردەگرن لەسەر ڕێگا، لەگەڵ کارایی سووتەمەنی بەرز کە گونجاوە بۆ هەردوو لێخوڕینی شار و گەشتە دوورەکان. بەم شێوەیە ئۆتۆمبێلی نوێی ڕاڤ4 لێخوڕینی کارەبایی پراکتیکی و ئاسان دەکات، پشتگیری لە هەوڵەکانی تۆیۆتا دەکات بەرەو کەمکردنەوەی کاربۆن و ئەزموونی ڕۆژانە بۆ کڕیارانی ناوچەکە بەرز دەکاتەوە.
سەبارەت بە مۆدێلە نوێیەکە، یۆشینۆری فوتۆنگانی، ئەندازیاری سەرەکی لە کۆمپانیای تۆیۆتا مۆتۆرز، وتی: "گەشتی پەرەپێدان بۆ خۆی سەرکێشییەکە. فەلسەفەی 'ژیان سەرکێشییە' لە دڵی ڕاڤ4 دایە، و لە پەرەپێدانی نەوەی نوێی ئەم مۆدێلەدا، ئێمە سەرنجمان خستە سەر چالاککردنی دوو پایەی 'بۆ هەموو شوێنێک' و 'بۆ هەموو شتێک'، بۆ ئەوەی چێژێکی لێخوڕین و ئارامییان بۆ دابین بکەین لە ژیانی ڕۆژانەیان و ساتەوەختە ناوازەکانیان، بە دیزاینێک کە هەستی سەرکێشی لە هەموو پێکهاتەیەکی ناوەوەیدا بەرجەستە دەکات".
لە ڕووی ڕووکەشەوە، ڕاڤ4ی نوێ دیزاینێکی سەرنجڕاکێش و متمانەپێکراو پێشکەش دەکات کە لە توانا پێشکەوتووەکانی ڕەنگدەداتەوە. دوو جۆری سەرەکی لە بازاڕەکانی ڕۆژهەڵاتی ناوەڕاستدا پێشکەشکران، جۆری کۆر (سەرەکی: کە دیمەنێکی ناوازە و سەردەمیانە پێشکەش دەکات کە گونجاوە بۆ ژینگەی شار، لە هەمان کاتدا پارێزگاری لەو تایبەتمەندیانە دەکات کە کڕیاران چاوەڕێی دەکەن لە ڕاڤ4 وەک ئۆتۆمبێلێکی SUV؛ و جۆری ئەدڤێنچەر (سەرکێشی)، کە دیزاینی بەهێزتر دەگرێتەبەر کە ئامادەیی ڕاڤ4 بۆ سەرکێشیەکانی ئۆفڕۆد بەرز دەکاتەوە.
لە ناوەوە ئۆتۆمبێلی نوێی ڕاڤ4 گرنگی بە کارایی و ئەزموونی شۆفێر دەدات. دیزاینی کابینەکە نوێکراوەتەوە بۆ ئەوەی کۆنتڕۆڵ و شاشەکان بە شێوەیەکی بەرچاو یەکبخات، جوڵەی چاو کەمدەکاتەوە و ئاسانکاری بەکارهێنان بەرز دەکاتەوە. کەرەستەی کوالێتی بەرز و ژینگەی لێخوڕینی باشتر و دیزاینی بیرکراوە کە کەشێک دروست دەکات کە پشتگیری لە لێخوڕینی ڕۆژانە و گەشتە دوورەکان دەکات. بەرزبوونەوەی لاشە و باشترکردنی سەکۆکان بەشدارە لە زیادکردنی ئاسوودەیی سەرنشینەکان، کەمبوونەوەی ژاوەژاو، و لێخوڕینی جێگیرتر لەسەر ڕێگا جیاوازەکان.
بۆ ئاسانکاری زیاتر، هەندێک لە مۆدێلەکانی ڕاڤ4 نوێ بە شاشەیەکی ڕەنگاوڕەنگی داتاشۆ (HUD) دێن کە زانیارییە گرنگەکان ڕاستەوخۆ لەسەر جامی ئۆتۆمبێلەکە پیشان دەدات، ئەمەش ڕێگە بە شۆفێر دەدات چاودێری داتاکان بکات بەبێ ئەوەی چاوەکانی لەسەر ڕێگاکە لاببات. هەروەها سەقفێکی پانۆرامای لەگەڵ پەردەیەکی کارەبایی، کە کابینەکە پڕ دەکات لە ڕووناکی سروشتی و هەستێکی زیاتر بە فراوانی لە پێشەوە و دواوە دروست دەکات.
جگە لەوەش بەهۆی باشترکردنی سەکۆ و ژمارەیەک سیستەمی کۆنترۆڵکردنی زیرەک، توانای لێخوڕین بەرزترکراوەتەوە. ڕاڤ4 نوێ شانازی بە لاشەیەکی پتەوتر و سیستەمی هەڵواسینی بەهێزتر و توانای پەرەپێدراوی ئۆفڕۆدەوە دەکات، بەهۆی دۆخی (Trail) کە پشتگیری لە پێشکەوتنی متمانەپێکراو دەکات لەسەر ڕووکارە ناڕێکەکان یان کەم هاوسەنگییەکان.
تەکنەلۆژیا پێشکەوتووەکان ڕۆڵێکی سەرەکی دەگێڕن لە ڕاڤ4ی نوێدا. بە تایبەتمەندی سیستەمی سەلامەتی تۆیۆتا (TSS4)ی نوێ دێت لەگەڵ توانای چاودێریکردنی باشتر و پشتگیرییەکی فراوانتر بۆ بارودۆخی جۆراوجۆری لێخوڕین. باشترکردنەکانی بریتین لە سیستەمی پێش پێکدادان (PCS) و کۆنترۆڵی خێرایی بە ڕادار (DRCC) کە نەرمی و زیرەکی لێخوڕین بەرز دەکەنەوە و ئاسوودەیی شۆفێر باشتر دەکەن و ماندوێتی لە گەشتە دوورەکاندا کەم دەکەنەوە.
ئەم تایبەتمەندیانە بە سیستەمی نوێی مالتیمیدیای تۆیۆتا تەواو دەکرێن، کە ئەزموونێکی ڕێک و پێکتر و بەکارهێنەر دۆستانەتر پێشکەش دەکات. شاشەیەکی 10.5 ئینچ یان 12.9 ئینچ و پێوەرێکی دیجیتاڵی 12.3 ئینچ لەگەڵدایە، کە گرافیکی باشتر و کاتی وەڵامدانەوەی خێراتر و بژاردەی فراوانتر دابین دەکات.
بۆ ئاسانکاری زیاتر، ڕاڤ4ی نوێ شاشەی دیمەنی پانۆرامی (PVM) پێشکەش دەکات لەگەڵ شاشەیەکی سێ ڕەهەندی کە یارمەتی شۆفێر دەدات هەست بە دەوروبەرەکەی بکات لەکاتی پێچکردن لە شوێنە تەنگەکاندا. هەروەها پارکینگی ئۆتۆماتیکی، کە لێخوڕینی ئۆتۆمبێل لە شارەکاندا ئاسان دەکات، ئەمەش گونجاوی ڕاڤ4 بۆ ژیانی شارستانی زیاتر بەرز دەکاتەوە.
هەروەها پێشکەوتنەکان تەکنەلۆژیای گۆڕینی خێرایی ئۆتۆماتیکی Shift-by-Wire لەگەڵدایە کە کارکردنی نەرمتر دابین دەکات، هەروەها بە دیزاینێکی ناوەوەی شاهانەتر دێن. هەموو ئەم تایبەتمەندیانە ئەزموونێکی هاوسەنگ و سەردەمیانە و چێژبەخشی لێخوڕین مسۆگەر دەکەن.
کڕیارانی ڕۆژهەڵاتی ناوەڕاست دەتوانن ئۆتۆمبێلی نوێی ڕاڤ4 ئەزموون بکەن بە کۆمەڵێک تایبەتمەندی ناوەوە و دەرەوەی. بە نۆ ڕەنگی دەرەوەی بەردەستە، لەنێویاندا ڕەنگی نوێی "ئۆربان ڕۆک"، جگە لە پێنج بژاردەی دوو ڕەنگی لە جۆری "کۆر"، ئازادی دەدات بە کڕیاران بۆ دەربڕینی کەسایەتی خۆیان. هەروەها ئۆتۆمبێلی ڕاڤ4 بە ویلی کانزایی بە قەبارەی جیاواز بەردەستە: 20 ئینچ دوو ڕەنگ، 18 ئینچ سێ ڕەنگ، و 17 ئینچ بە خۆڵەمێشی کانزایی تۆخ.
بەم گۆڕانکارییە گشتگیرە، تۆیۆتا بەردەوامە لە پێشکەوتنی ڕاڤ4 بۆ ئەوەی چاوەڕوانییەکانی کڕیاران جێبەجێ بکات بەبێ ئەوەی سازش لەسەر ئەو تایبەتمەندیانە بکات کە وایکردووە ببێتە چیرۆکێکی سەرکەوتنی جیهانی. بە تێکەڵکردنی هێزی پاڵنانی کارەبایی و تەکنەلۆژیای سەلامەتی پێشکەوتوو و دیزاینێکی سەردەمیانە و توانا گشتگیرەکان، ئۆتۆمبێلی نوێی ڕاڤ4 ئۆتۆمبێلێکی تەواو و گونجاوە بۆ لێخوڕینی شار و دەرەوەی.
خستنەبازاڕی ئۆتۆمبێلی نوێی ڕاڤ4 لە ڕۆژهەڵاتی ناوەڕاست درێژەپێدەری پابەندبوونی کۆمپانیای تۆیۆتایە بە دابینکردنی ئەو ئۆتۆمبێلانەی کە ژیانی ڕۆژانەی کڕیارەکانی دەوڵەمەندتر دەکەن و ئیلهامبەخشن بۆ سەرکێشی لە هەموو گەشتێکدا، شوێنی مەبەستیان هەر کوێ بێت یان ئاواتەکانیان هەر چیەک بن، بەمەش لاپەڕەیەکی نوێ بۆ داهاتوویەک دەنووسێت کە لەسەر بنەمای داهێنان و بەردەوامی بنیات نراوە.
لە کۆتاییدا تۆیۆتا ڕاڤ4 پێشەنگی کەرتی ئۆتۆمبێل بووە لە ئاستی جیهانیدا لە سەرەتای خستنەبازاڕیەوە لە ساڵی 1994 وەک یەکەم ئۆتۆمبێلی تاک لاشەی SUV. چەمکی ئۆتۆمبێلی خێزانی بە پێشکەشکردنی ئاسوودەیی ئۆتۆمبێلی تەقلیدی و گشتگیری ئۆتۆمبێلی جۆری SUV پێناسەکردەوە، سەرکەوتنی بەرفراوانی جیهانی بەدەستهێنا لە ماوەی سێ دەیە و بووە هەڵبژاردەیەکی دڵخواز بۆ کڕیاران لە بازاڕە جیاوازەکاندا، لەنێویاندا ڕۆژهەڵاتی ناوەڕاست.
- کۆتایی -
