بەغداد، عێراق – 6ـی ئەیلوولی 2026
پاڵەوانی پارالمپیکی عێراق و باڵیۆزی براندی تۆیۆتا عێراق، نەجلە عیماد، بە میدالیای زێڕەوە گەڕایەوە بەغداد، پاش ئەوەی پلەی یەکەمی لە ڕکابەرییەکانی تاکەکەسی خانمان (پۆلی WS6) لە پاڵەوانێتی نێودەوڵەتی لاهتی بۆ تێنسی سەرمێزی پارالمپیک (ITTF World Para Future Lahti 2026) بەدەستهێنا، کە شاری لاهتی لە فینلەندا میوانداری کردبوو.
تۆمارکردنی ئەم سەرکەوتنەی نەجلە لە 29ـی ئابی 2026، یەکەمین میدالیای زێڕی ناوبراوە لەم ساڵدا و وێستگەیەکی نوێیە لە کاروانی وەرزشی نێودەوڵەتی خۆیدا. ئەم دەستکەوتەش لە دوای قۆناغێکی سەخت دێت کە تێیدا لە کەشی ڕکابەرییەکان دوورکەوتبووەوە، پێش ئەوەی لە ڕێگەی پرۆگرامێکی ئامادەکاری چڕەوە دەست بە مەشقەکانی بکاتەوە کە وای لێکرد بە هێزەوە بگەڕێتەوە نێو بەشداری و پاڵەوانێتییە نێودەوڵەتییەکان.
ئەم سەرکەوتنە بەرجەستەکەری بەرهەمی قۆناغێکە لە کۆششی بەردەوام، پابەندی و سووربوون لەسەر گەڕاندنەوەی ئامادەبوونی لە نێو کێبڕکێکاندا، تا نەجلە میدالیایەکی زێڕی تر بخاتە سەر تۆماری وەرزشی پڕ لە شانازی خۆی و بە لێهاتوویی و شایستەییەوە بەردەوام بێت لە نوێنەرایەتیکردنی عێراق لە مەیدانە وەرزشییە نێودەوڵەتییەکاندا.
لەگەڵ گەیشتنیشیدا بۆ بەغداد، بە بەشداری تۆیۆتا عێراق پێشوازی لە نەجلە کرا لە فڕۆکەخانەی نێودەوڵەتی بەغداد، وەک ئاهەنگگێڕانێک بەبۆنەی گەڕانەوەی بە میدالیای زێڕ و پێزانینێک بۆ کاروانە ئیلهامبەخشەکەی کە بەرجەستەکەری بەهاکانی ئیرادە، کۆڵنەدان و توانای زاڵبوونە بەسەر ئاستەنگەکاندا دەکات.
لە پەیامەکەشیدا پاش بردنەوەی نازناوەکە، نەجلە جەختی لەوە کردەوە کە ئەم میدالیایە پێگەیەکی تایبەتی لە کاروانەکەیدا هەیە، چونکە دوای یەکێک لە سەختترین ئەو قۆناغانە هات کە پێیاندا تێپەڕیبوو، تا تەواوی ئەو ماندووبوون، ئارامگری و کۆڵنەدانەی هاوڕێی بوون بگۆڕێن بۆ دەستکەوتێکی زێڕینی نوێ.
نەجلە لەم بارەیەوە وتی:
"سوپاس بۆ خودا، ئەمە یەکەم میدالیای زێڕمە لەم ساڵدا کە لە پاڵەوانێتی نێودەوڵەتی فینلەندا بەدەستم هێناوە. ئەم میدالیایە یادەوەری هەموو ئەو ساتە سەختانەی لە ناخمدا هەڵمگرتبوو کە پێیاندا تێپەڕیبووم و هەموو ئەو جارانەی هەستم دەکرد ڕەنگە نەتوانم بەردەوام بم، بەڵام ڕێگاکەم تەواو کرد. سوپاسی بێپایانم ئاراستەی تۆیۆتا عێراق و بەڕێز کاک سەردار دەکەم بۆ پاڵپشتی بەردەوامیان لەم پاڵەوانێتییانەدا."
هەروەها نەجلە سوپاسی خۆی ئاراستەی سەرۆکی شاندەکە، مامۆستا نەسیم، و ڕاهێنەرەکەی، کاپتن حەیدەر سەلیم کرد، وەک پێزانینێک بۆ گرنگیدان، هەوڵەکان و هاوکاری بەردەوامیان بە درێژایی کاروانە وەرزشییەکەی، و پەیامەکەی بەم وتەیە کۆتایی پێهێنا:
"مرۆڤ ناتوانێت بەبێ سەختی سەرکەوتن بەدەستبهێنێت."
پاڵپشتی تۆیۆتا عێراق بۆ پاڵەوان نەجلە عیماد وەک باڵیۆزی براندەکە، درێژکراوەی پابەندبوونی کۆمپانیایە بە چەمکی "هاتوچۆ بۆ هەمووان"، هاوکات لە باوەڕبوونیەوە سەرچاوە دەگرێت بە گرنگی بەهێزکردنی تواناکانی خاوەن پێداویستییە تایبەتەکان بۆ دەرخستنی توانەکانیان و بەدیهێنانی ئاواتەکانیان.
هەروەها ئەم پاڵپشتیە ڕەنگدانەوەی بەهاکانی دەستپێشخەری جیهانی تۆیۆتایە بە ناوی "مەحاڵەکەت دەست پێ بکە" (Start Your Impossible)، کە لە دیویکەوە سەرچاوە دەگرێت هاتوچۆ وەک ئامرازێک دادەنێت بۆ ئەوەی تاکەکان سنوورەکانیان تێپەڕێنن و بەردەوام بن لە پێشکەوتن. ئەم بەهایانەش لە کاروانی نەجلەدا بە ڕوونی دەردەکەون، کە بەردەوام بوو لە کارکردن و مەشقکردن، و گەڕایەوە نێو کێبڕکێ نێودەوڵەتییەکان تا دەستکەوتێکی نوێ بە ناوی عێراقەوە تۆمار بکات.
تۆیۆتا عێراق بەردەوام دەبێت لە پاڵپشتیکردنی پاڵەوان نەجلە عیماد لە کاروانە وەرزشییەکەی و بەشدارییە نێودەوڵەتییەکانیدا، لە چوارچێوەی هاوبەشییەکی پتەودا کە سەرچاوەکەی باوەڕبوونە بە تواناکانی بۆ بەدەستهێنانی دەستکەوتی زیاتر، لەگەڵ باوەڕبوون بە ڕۆڵی بنەڕەتی وەرزش لە ئیلهامبەخشین، دەرخستنی بەهرەکان و بەهێزکردنی ئامادەبوونی عێراق لە ڕێوڕەسمە نێودەوڵەتییەکاندا.
