تۆیۆتا عێراق بەشداری لە ئاهەنگی لەدایکبوونی جەنابی ئیمپراتۆری ژاپۆن کرد، کە لە ماوەی شوباتی 2025 لە هەردوو بەغدادی پایتەخت و شاری هەولێر بەڕێوەچوو، بە ڕێکخستنی بەرچاو لەلایەن باڵیۆزخانەی ژاپۆن لە عێراق. ئەم بەشدارییانە بەرجەستەی پابەندبوونی کۆمپانیاکەیە بە ڕێبازە نەگۆڕەکەی بۆ پشتگیریکردنی پەیوەندییە کلتووری و ئابوورییەکانی نێوان عێراق و ژاپۆن.
ئاهەنگەکە لە 20ی شوبات لە هۆتێل ڕەشید لە بەغداد و لە 27ی شوباتی 2025 لە هۆتێل ڕۆتانا لە هەولێر بەڕێوەچوو، ژمارەیەک کەسایەتی دیاریش ئامادەی بۆنەکان بوون. ئاهەنگەکەی بەغداد، بەرپرسانی باڵای وەزارەتی دەرەوەی عێراق و چالاکانی کۆمەڵایەتی لەخۆ گرتبوو، لە ئاهەنگی هەولێریشدا ژمارەیەک کەسایەتی سیاسی کورد بەشداربوون.
هەروەها لە هەردوو چالاکییەکەدا ژمارەیەکی بەرچاو لە شاندەکانی ئەوروپا و باڵیۆز و نوێنەری کۆمپانیا پێشەنگەکانی ژاپۆن بەشداربوون، کە بەشدارییان لە بەهێزکردنی پەیوەندییە دیپلۆماسی و بازرگانییەکانی نێوان هەردوو وڵاتدا کرد.
لە بۆنەی بەغداد، تۆیۆتا عێراق ئۆتۆمبێلی کراونی نمایش کرد، مۆدێلێک کە ڕەنگدانەوەی تەکنەلۆژیای مۆدێرن و هەستی شاهانەیە. بە دیزاینە کلاسیکەکەی و ئاسوودەیی نایاب و تایبەتمەندییە زیرەکەکانی، کراون ئەزموونێکی ئاسوودەیی لێخوڕین پێشکەش دەکات کە بە بەرزترین ستانداردەکانی سەلامەتی پشتگیری دەکرێت. هەڵبژاردەیەکی نایابە بۆ ئەوانەی بەدوای ئۆتۆمبێلێکی سیدانێکی متمانەپێکراودا دەگەڕێن کە تەکنەلۆژیای پێشکەوتوو لەگەڵ دیزاینی شاهانە تێکەڵ بکات.
جگە لەوەش لە چالاکییەکەی هەولێر هەردوو کراون و پرادۆ لە هۆڵی ئاهەنگەکەدا نمایشکران کە هەریەکەیان نوێنەرایەتی شێوازێکی ژیانی جیاواز دەکەن. لە کاتێکدا کراون پێناسەی شاهانە و داهێنانی دەکات، پرادۆ بە هێزی ئەفسانەیی خۆی سەرنجی میوانەکانی ڕاکێشا وەک باشترین هاوڕێی سەرگەرمیەکان لەسەر ڕێگا سەختەکان. مۆدێلە نوێیەکە هاوسەنگی لە نێوان کارایی پراکتیکی 4WD لەگەڵ تایبەتمەندییە پێشکەوتووەکانی وەک سیستەمی هەڵبژاردنی جۆری جیاوازی ڕێگا، هەموو ئەمانە لە چوارچێوەی دیزاینی دەرەوەیەکی بوێر و دیزاینی ناوەوەیەکی ئاسوودەیی کلاسیکدا.
هەروەها وەک کاریگەرییەکی ڕەمزی، پەیکەری گریندایزەر لە هۆڵەکەدا وەک باڵیۆزی براندەکەی تۆیۆتا عێراق نمایشکرا. ئەم کەسایەتییە ئەفسانەییە ڕەنگدانەوەی ڕۆحی متمانەپێکردن و ڕاستگۆیی تۆیۆتا عێراقە. ئەم پاڵەوانە بە دیدێکی پێشکەوتوو یادەوەری و سۆز و خۆشەویستی منداڵی دەرئەبڕێت.
لە کۆتاییدا، تۆیۆتا عێراق پیرۆزبایی خۆی ئاراستەی بەڕێز ئیمپراتۆری ژاپۆن کرد بەبۆنەی ڕۆژی لەدایک بوونی، هیوای بەردەوامی تەندروستی و پێشکەوتنی بۆ خواست، هەروەها وەک سەرچاوەی ئیلهام بۆ گەلی ژاپۆن بمێنێتەوە. و شانازی خۆی بە بەشداریکردن لەم بۆنەیەدا دەربڕی کە گوزارشت لە گیانی هاوکاری هاوبەشی نێوان هەردوو وڵاتە دۆستەکان دەکات، پابەندبوونی خۆی دووپاتکردەوە بۆ دابینکردنی بەرزترین ستانداردی کوالێتی و شاهانەیی لە خزمەتکردنی کڕیارەکانی لە سەرتاسەری عێراقدا.
-کۆتایی-
